ARIES Masasaktan ka sa pambabaliwalang gagawin niya sa’yo. Hindi mo mauunawaan kung ano ang nagawa mong pagkakamali sa biglaang pagbabago niya. Masuwerteng numero: 5-8
TAURUS Magiging masaya ang araw ninyong mag-asawa dahil sa biyayang matatanggap ninyo. Kahit madalas kayong kinakapos, nakakaraos naman kayo. Masuwerteng numero: 24 & 35
GEMINI Hindi mo maiiwasan ang pakikipag-argumento sa iyong karelasyon dahil sa iyong mga biyenan. May mga bagay kayong hindi pagkakasunduan, at sa pagkakataon na ito, hindi mo mararamdaman ang kanyang simpatya. Masuwerteng numero: 10 & 20
CANCER Ikakalungkot mo ang hindi pagpaparamdam ngayon ng iyong mahal. Wala kang matatanggap na tawag o text man lang mula sa kanya, kaya naman tutubuan ka ng paghihinala. Masuwerteng numero: 18 & 19
LEO Mag-iiba ang ihip ng hangin ngayon sa inyong relasyon. Kung madalas ay madaling mag-init ang ulo niya sa iyo at sa iba pang nakapaligid sa inyo, ngayon ay daig pa niya ang isang maamong tupa. Masuwerteng numero: 24 & 46
VIRGO Mahahawa ka sa kasigasigan ng iyong kapareha sa pagbibigay ng tulong sa mga nangangailangan. Kaya mas lalo mo siyang mamahalin at ipagmamalaki. Masuwerteng numero: 7 & 9
LIBRA Magugulat ka sa effort na gagawin ng iyong kapareha para matulungan ka lang sa kinakaharap mong problema. Kaya naman labis mo itong ipagpapasalamat sa kanya. At mas lalong lalalim ang pagtingin mo sa iyong mahal. Masuwerteng numero: 32 & 43
SCORPIO Alam mo na walang ibang magtutulungan sa pagresolba ng inyong problema kundi kayong mag-asawa. Kaya naman wala kang ibang pakikinggan kundi siya at ganoon din siya sa’yo. Kailangan kumapit kayo sa isa’t isa. Masuwerteng numero: 20 & 30
SAGITTARIUS Mananatili siyang tapat sa’yo sa kabila ng inyong pagkakalayo. Sa panahon na ito, wala kang ibang magagawa kundi ang pagkatiwalaan siya at umasa sa kanyang mga pangako habang kayo ay malayo sa isa’t isa. Masuwerteng numero: 6 & 8
CAPRICORN Pagbibigyan mo ang kahilingan ng iyong mahal para hindi na sumama ang loob niya sa’yo. Ayaw mo ng maulit ang malalim niyang pagtatampo sa’yo kaya sisikapin mong pagbigyan siya. Masuwerteng numero: 22 & 33
AQUARIUS Hindi ikaw ang magdadala ng bigat sa dibdib kung sakali man na ituloy ng iyong kapareha ang kanyang desisyon na makipaghiwalay sa’yo. Hindi pa siya handa na mawala ka sa kanya kaya huwag kang mabahala. Masuwerteng numero: 11 & 13
PISCES Malaki pa ang pag-asa na maisalba mo ang inyong relasyon na namemeligro ngayon dahil sa magkaibang opinyon ninyo at dahil na rin sa pakikisawsaw ng iba. Kailangan ninyong mag-usap ng masinsinan ng kayong dalawa lamang. Masuwerteng numero: 28 & 37
