Bahagi ng tradisyon ng Kapaskuhan ang Noche Buena. Dito masayang nagsasalo-salo ang mag-anak bilang pagsalubong sa Kapaskuhan.
May ilang mga pagkaing maaaring idagdag sa menu upang ma-invite ang positive vibes at kasaganaan.
Hindi dapat mawala sa menu ang noodle, pancit bihon o macaroni sapagkat ang mga ito ay simbolo ng magandang kalusugan at mahabang buhay.
Ang hamon, Quezo de bola, at iba pang pagkain na hugis bilog ay sagisag ng pera at kasaganahan. Tiyakin na hindi ito mawawala sa hapag.
Ang lechon at pork chop naman ay simbolo ng prosperidad.
Upang hindi maubusan ng pera, isama sa menu ang isda sapagkat ito ay simbolo ng masaganang pananalapi.
Ang mga pagkaing nabanggit ko ay simbolo ng suwerte at kasaganahan. Laging tatandaan na kahit gaano pa kasimple ang Noche Buena, higit na mahalaga ay nagmamahalan at nagkakasundo ang bawat miyembro ng pamilya. Doon higit na magkakaroon ng kahulugan ang Noche Buena.
