The best things in life are free. Pero, hindi lahat ay libre gaya ng pagkain, tirahan, at iba pang pangangailangan sa buhay. Kahit sino ka pa, kailangan mo talaga ng pera upang mabuhay ng maayos sa panahon ngayon.
Kung ikaw ay naniniwala sa magic at kapangyarihan ng faith, narito ang isang rituwal na maaari mong subukan upang dumaloy ang maraming salapi sa iyong buhay.
Sa rituwal na ito, kailangan mo naman ng isang kandilang kulay berde, platito, papel na kulay brown o mimeo paper (mayroon nito sa bookstores), at lapis.
Kunin ang mimeo paper at gumupit ng piraso mula dito na kasing laki ng perang papel.
Isulat sa papel ang halaga na kailangan at kung bakit mo kailangan ito. Huwag maging suwapang. Isulat lamang ang halagang talagang kailangan mo.
Itupi ang papel sa dalawa at saka ito sunugin sa green candle.
Sa sandaling maabo na ang papel, kunin ang mga abo at saka mo ilagay sa isang plastic bag o ziplock bag at itago mo sa lugar na walang makakakita kundi ikaw.
Muli ay pinaalala ko na kailangan mo pa ring magbanat ng buto at magsikap sa buhay upang magkapera. Ang rituwal na ito ay supplement lamang.
