ARIES (Marso 21 – April 19) Mabubuhay ka ngayon na tulad ng isang hari o isang reyna, kukuyakuyakoy na walang ginagawa, dahil ang mga tao sa iyong paligid ay lihim na tatanggap ng utos mula sa langit na ikaw ay paglingkuran. Habang may naglilingkod naman sa iyo, tuloy-tuloy na gaganda ang career at lalago ang kabuhayan. Mapalad na kulay ang lilac. Masuwerteng numero 7, 19, 25, 26, 35, 43.
TAURUS – (April 20 – Mayo 20) Ito ang araw upang iplano mo na at ihanda ang mga dadalhing gamit para sa isang malayuang paglalakbay. Sa malayong lugar wala kang dapat gawin kundi ang mag-relaks at mag-enjoy upang muling ma-recharge ang iyong galing at kakayahan. Kapag na-recharge na ang iyong kaluluwa, dagdag na suwerte at magagandang kapalaran ang tuloy-tuloy pang darating. Mapalad ang kulay na silver. Masuwerteng numero 3, 12, 24, 33, 37, 43.
GEMINI (Mayo 21 – Hunyo 21) Inaasahan ng iyong mga mahal sa buhay na bibigyan mo sila ng kasiyahan. Hindi sila dapat mabigo kaya ngayon pa lang ay paglaanan mo na ang mga bagay na gusto nila. Habang pinaglalaanan mo ang mga mahal mo sa buhay, sa parte mo naman, magdaratingan na ang mas marami pang suwerte at magagandang kapalaran. Mapalad na kulay ang purple. Masuwerteng numero 4, 8, 26, 31, 40, 42.
CANCER (Hunyo 22 – Hulyo 22) Itabi mo ang iyong damdamin, kung baga wag mong pakinggan ang iyong puso . Isip ang paganahin mo ng sa gayon ay maayos ang iyong love life. At kapag naayos na ang iyong love life, kasunod nito ang pagdating ng mas marami pang suwerte at magagandang kapalaran sa buhay mo. Mapalad na kulay ang apple green. Masuwerteng numero 1, 10, 25, 34, 41, 43.
LEO (Hulyo 23 – Agosto 22) Pakinggan mo ang mga suhestiyon ng iyong mga kaibigan. Sila ang magbibigay sa iyo ng dagdag na suwerte at magandang kapalaran. Wala sa isip nila na dayain ka. Ang totoo nga ikaw ang palihim na nagiisip at nakikitang dumadaya sa kanila at sa iyong sarili. Mapalad na kulay ang tangerine. Masuwerteng numero 3, 12, 17, 27, 34, 42.
VIRGO (Agosto 23 – Setyembre 22) Tunog sa iyong bulsa ang magsisilbing pampasuwerte mo ngayon. Kaya dapat ay hindi ka mawalan ng barya sa iyong bulsa at wallet at ang mga barya ay dapat mong patunugin lagi-lagi. Mapalad ang kulay na red. Masuwerteng numero 7, 14, 23, 34, 43, 45.
LIBRA (Setyemrbe 23 – Oktubre 23) Sumunod ka sa gusto ng iyong mahal kahit medyo hindi mo gusto dahil ayon sa iyong kapalaran siya ang magsisilbi mong pampasuwerte at pampasuwerte din siya ng iyong pamilya lalo na sa salapi at sa materyal na bagay. Mapalad na kulay ang gray. Masuwerteng numero 9, 14, 23, 27, 37, 45.
SCORPIO (Oktubre 24 – Nobyembre 21) Wag kang magmamdali dahil may kasabihan na ang nagmamadali ay nadarapa. Ibig sabihn pag-aralan mo muna ang pagkatao ng nagpapakita sa ‘yo ng pagmamahal at pag aralan mo rin muna ang lahat ng diskarte sa inaaturga mong proyekto, upang kapag iyong pinatupad, perfect na, magandang-maganda at walang kamali-mali. Mapalad na kulay ang maroon. Masuwerteng numero 9, 13, 27, 31, 32, 44.
SAGITTARIUS (Nobyembre 22 – Disyembre 21) Huwag sayangin ang pagkakataon mong maging bahagi ng buhay ng mga kilala sa lipunan. Bihira ang nadidikit sa kanila. Samantalahin mo ang masuwerteng oportunindad na sumasa iyo ngayon. Magagamit mo yan, upang lalo pang umunlad at sumagana ang iyong pamumuhay. Mapalad na kulay ang blue. Masuwerteng numero 5, 18, 21, 27, 32, 45.
CAPRICORN – (Disyembre 22 – Enero 19) Wag kang patangay sa mga hindi nagpapahalaga sa kanilang kabuhayan. Ituloy mo ang pagtutok sa pagpapaunlad ng iyong career at negosyo ito ang tunay na magpapasaya sa iyo. Mapalad na kulay ang silver. Masuwerteng numero 6, 15, 19, 24, 37, 45.
AQUARIUS – (Enero 20 – Pebrero 18) Wag ka ng magmukmok at malungkot dahil suwerte ka na ngayon. Kahit hindi ka kumilos, kikilos ang langit para sa iyo para bigyan ka ng makulay, masaya at maligayang araw. Magpasalamat kang lagi, dahil sa bawat pagpapasalamat na iyong gagawin, ito ay may katumbas na suwerte at dagdag pang magagandang kapalaran. Mapalad na kulay ang green. Masuwerteng numero 1, 14, 22, 32, 37, 42.
PISCES (Pebrero 19 – Marso 20) Pasasayahin ka ng isang nilalang na ikaw ay sobrang sasaya. Bawal na magkaroon kayo ng malalimang relasyon dahil siya ay mapapalayo sa ‘yo ng mahabang panahon. Mapalad ang kulay na yellow. Masuwerteng numero 1, 10, 19, 27, 37, 43.
