ARIES (Marso 21 – April 19) May itinakda ang nasa itaas sa bawat araw at para sa iyo, katuparan ng mga pangarap ang kahulugan ng araw na ito. Kaya mangarap ka lang ng mangarap at ang pangarap mo ay tiyak na matutupad. Mapalad na kulay ang aquamarine. Masuwerteng numero 6, 18, 24, 27, 31, 36.
TAURUS – (April 20 – Mayo 20) Kapag nagkaroon ka ng mabigat na problema ngayon. Lihim kang magpasalamat dahil kailangang mapagdaanan mo ito at pagkatapos ay darapo sa iyo ang isang napakalaking buenas. Mapalad na kulay ang gray. Masuwerteng numero 8, 13, 21, 29, 34, 40.
GEMINI (Mayo 21 – Hunyo 21) Mamili kang mabuti ng mga taong dapat na samahan. Lalapitan ka ng mga hindi gaanong kagandahang kapalaran kapag nakadikit ka sa mga taong reklamador at malulungkutin sa buhay. Lalapitan ka naman ng suwerte at magagandang kapalaran kapag ang lagi mong kasama ay ang mga taong masayahin at may positibong kaisipan. Mapalad na kulay ang peach. Masuwerteng numero 5, 14, 26, 29, 31, 43.
CANCER (Hunyo 22 – Hulyo 22) Mayaman ang iyong kaisipan kaya ikaw ay isang malikhain at may masining na abilidad. Gamitin mo ang lahat ng ito sa dalawang bagay lamang, paglilingkod sa kapwa at sa mga nangangailangan at isama mo na rin ang pagpapayaman. Wag kang tumanggi, dahil iyan ang inaatas sa iyo ng iyong kapalaran. Mapalad na kulay ang yellow. Masuwerteng numero 2, 5, 18, 23, 37, 40.
LEO (Hulyo 23 – Agosto 22) Umuusok ang kuwento tungkol sa iyong kagandahan at kaunlaran. Ituloy mo pa ng ituloy ang iyong pagpapaganda at mga pagsisikap, nanonood ang nasa itaas, kaya umasa kang lalo ka pang papagandahin at payayamanin ng langit. Mapalad na kulay ang purple. Masuwerteng numero 1, 9, 16, 21, 22, 35.
VIRGO (Agosto 23 – Setyembre 22) Kagaya ng dahon na nahulog sa batis, makisakay ka sa agos ng buhay ngayon. Isa isantabi mo muna ang lahat ng mga alalahanin at problema sa buhay. Damhin mo ang ganda ng nature at ang mga natural pangyayari. Wag kang mag-asam, wag kang mag-hangad, hayaan mong umandar lang ng umandar ang panahon. Tandaan mong ang taong hindi naghahangad ang lagi ng pinagpapala at binibigyan ng malalaking suwerte ng langit. Mapalad ang kulay na silver. Masuwerteng numero 5, 14, 17, 23, 32, 43
LIBRA (Setyembre 23 – Oktubre 23) Nasa mataas na level ngayon ang pagiging positibo mo. Kung anuman ang iyong isipin at hilingin, tiyak na magkakatotoo. Humiling ka na ngayon at ito ay ipagkakaloob ng langit. Mapalad na kulay ang blue. Masuwerteng numero 6, 18, 27, 33, 34, 40.
SCORPIO (Oktubre 24 – Nobyembre 21) Hindi ka dapat magpabago-bago ng isip. Kung ano ang nasabi mo na, wag mong babaguhin pa. Kinikilala ka at hinahangaan sa pagkakaroon ng paninindigan. At habang nananindigan ka patuloy na darating sa iyo ang suwerte at magagandang kapalaran. Mapalad ang kulay ang white. Masuwerteng numero 4, 8, 10, 18, 35, 42.
SAGITTARIUS (Nobyembre 22 – Disyembre 21) Ngayong halos maubos na ang pera mo dahil sa nga nakarang gastusin, hindi ka dapat malungkot. Dahil ibabalik ng langit ng doble-doble pa sa isang kisap-mata, ang lahat ng iyon nagastos mo at nawala sa iyo. Ang kundisyon, ituloy mo lang ang pagiging may mabuting puso at madasalin. Mapalad na kulay ang pink. Masuwerteng numero 3, 6, 9, 17, 21, 35.
CAPRICORN – (Disyembre 22 – Enero 19) Walang dahilan kung bakit hindi ka yayaman. Dahil sa kabila ng mga pagsubok na dumarating sa iyong buhay, lagi ka pa ring paulit-ulit na susuwertehin at ang mga suwerteng darating sa iyo tulad ng nasabi na ay patungo sa tiyak at bulto-bultong pagyaman. Mapalad na kulay ang green. Masuwerteng numero 2, 4, 7, 19, 37, 42. .
AQUARIUS – (Enero 20 – Pebrero 18) Sumusuko rin ang langit sa mga taong makukulit at mapagpilit. Huwag kang hihinto hanggang hindi mo nakukuha ang iyong gusto. Aayunan ka na ng nasa itaas, kaya ang lahat ng mga sulirinin ngayon ay mapapalitan ng mga pagpapala at bultong mga suwerte sa susunod na mga araw. Mapalad na kulay ang red. Masuwerteng numero 4, 17, 22, 27, 32, 43.
PISCES (Pebrero 19 – Marso 20) Dahil nagpakita ka ng labis na kabutihan at pagmamalasakit sa kapwa nitong nakaraang araw binuksan ang pintuan ng grasya ng langit para sa iyo. Darating na sa susunod na buwan ang mas maraming biyaya at mga pagpapala hindi lamang sa iyo kundi sa buong pamilya. Mapalad na kulay ang black. Masuwerteng numero 4, 16, 23, 36, 40, 42.
