Sa mga araw na ginugunita natin ang Kamatayan ni Hesukisto, kailangan nating mag-ingat lalo na kapag sasapit na ang Biyernes Santo. Sa araw na ito kasi ay patay ang ating Panginoon kaya masasabi natin na ang magpuprotekta sa atin ay walang kakayahan na maipagtanggol tayo.
Gayunman, marami naman sa atin ang hindi naniniwala sa pamahiin na ito dahil hindi naman daw talagang patay ang Panginoon ng mga oras na iyon dahil nabuhay na siyang muli. Tulad nga ng sinabi ko kanina, ang Semana Santa ay pagunita o pag-alala lamang sa sinapit ni Hesukristo sa kamay ng mga Hudyo.
Sa kabilang banda, mas maigi pa rin na tayo ay nag-iingat. Nakakakaba pa rin iyong sinasabi sa pamahiin na kapag nasugatan ka ng Semana Santa lalo na kapag tumapat ito ng Biyernes Santo, ay matagal maghilom. Ibig sabihin, mas madali iyong dapuan ng impeksyon at magiging mas masakit iyon para sa’yo. Baka nga katakut-takot na pera ang magastos mo.
Ngayon ang tanong, ang ulo mo ba ay singtigas pa rin ng bakal? Kung hindi ka pa rin kasi mag-iingat baka kung anong aksidente ang mangyari sa’yo. Alam mo naman siguro na ang buhay ng tao ay maikukumpara sa babasaging kristal. Maaaring mawala sa anumang sandali.
