Sa nakaraang edisyon ng Kapangyarihan, ating tinalakay ang kahulugan ng number synchronicity 11:11.
Ngayon ay ating tatalakayin ang kahulugan ng number 444 o 4:44.
Ang numerong ito ay may makapangyarihan at mahalagang kahulugang espirituwal.
Ang number 444 ay sumasagisag sa pag-unawa, kamalayan, at katalinuhan. Ang number 444 ay 12 and 3 sa numerology. Ito ay sumisimbolo sa pagkilos ng buong universe at epekto nito sa cosmos at lahat celestial bodies.
Lubhang nakamamangha ang cosmic alignment ng number 444, bagama’t ito ay may isang specific message.
Ang palagiang pagkakakita ng number 444, o 4:44 ay isang wake-up call, call of awareness, at alarming sign. Sinasabi sa iyo ng universe na maging bukas ang iyong isipan at maging handa sa isang mahalagang pangyayari na magaganap sa iyong buhay. Espesyal ang numero 444. Ikaw ay inihahanda ng universe sa isang malaking pagbabago!
Kung ikaw ay laging nakakakita ng 444, pinapaalalahan ka rin ng universe na huwag aksayin ang iyong energy sa pag-iisip sa mga bagay na lumipas na at hindi na mababago. Tigilan na ang pagdi-day dream sa mga bagay na hindi naman mangyayari kahit baliktarin mo ang mundo. Bagkus, ituon mo ang iyong lakas, atensiyon, kaisipan at enerhiya sa mga bagay na alam mong posibleng mangyari.
Sa pangkalahatan, ang palagiang pagkakapansin ng numero 444 ay isang paalala na pakinggan ang iyong intuition sapagkat baka may mapalagpas kang malaking oportunidad.
Sa susunod ay tatalakayin pa natin ang kahulugan ng iba pang number synchronicity.
