PAMAHIIN: Ang mga Nais Ipahiwatig ng Isang Butiki

0
17564

Geraldine Monzon

Geraldine Monzon; Writer in komiks/pocketbooks/newspaper/indie film
My motto in life is; Be stronger than your excuses. If you can't say it, write it.

Naniniwala ka ba na bawat kilos ng isang butiki ay may kahulugan o nais ipahiwatig? May katotohanan nga ba na ang maliit at malamig na hayop na ito ay alaga ng Diyos? Iyan ang naririnig ko sa lola ko noong araw na ang butiki raw ay alaga ng Diyos at siyang sugo upang ang mga kilos natin ay matyagan. Pero anu-ano nga ba ang mga gawi ng isang butiki na binibigyan rin ng iba’t-ibang kahulugan?

Isa na rito ang pagtuktok ng butiki na ang ibig sabihin raw ay mabubulilyaso ang iyong mga plano o may mga nais kang hindi mo magagawa. Ang paghuni o pagtiktik naman ng butiki sa iba’t-ibang parte ng inyong bahay ay may kahulugan din, tulad na lang kapag sa kusina mo ito narinig, maghanda ka na ng pera dahil may pagkakagastusan ka. Kung sa kuwarto naman, ay magkakasakit ka o sinumang miyembro ng pamilya. Kung ang huni naman nito ay narinig mo  sa pintuan ay may bisitang paparating. Pag sa bintana ay sulat ang darating. Kapag ito ay naman ay nasa labas ng pinto na halimbawa ay nasa paso o anumang bagay na nasa harapan ng bahay nyo o dili kaya ay terrace, papalabas  din ang pera ibig sabihin ay may manghihiram o mangungutang sa’yo. Kung sa salas, kinakailangan mong magpahinga.

Kapag naman daw naiputan ka ng butiki o nahulugan ng dumi nito halimbawa ay sa’yong kamay, suwerte ito. May biyaya o oportunidad na paparating. Kung sa ulo ka naman nadumihan ng butiki ay may mga bagong ideya kang maiisip. Kung sa balikat mo bumagsak ang dumi ay may paparating kang pasanin kaya mas mabuting palisin mo ito agad at kumatok ng tatlong beses sa kahoy upang hindi ito maganap. Kung makakakita ka naman ng butiki na nadikit sa isang madikit na bagay o kaya naman ay naipit at hindi makaalpas, kapag tuinulungan mo raw ito ay papalitan niya ito ng suwerte bilang pasasalamat.

Iyan ang mga pamahiing butiki na nalaman ko na sana ay nakapagbigay rin ng kaalaman sa inyo. Tulad ng ibang mga pamahiin, ang pamahiin tungkol sa butiki ay maari ninyong paniwalaan at maari din namang hindi.

More Dreams

More Horoscopes

More Palmistry

More Astrology/Pahula

More Pamahiin

More Kapangyarihan

More Chinese Horoscope

More Sikreto

LEAVE A REPLY

Please enter your comment!
Please enter your name here