Palmistry 191: Pasan ni Nanay ang mga anak

Tunghayan sa Palmistry 191 ang request ni Rosemarie Valenton.

 

Dear Sir Govinda Jeremaya,

Ako po si  Rosemarie Valenton, 60, gusto ko na pong umuwi. Nag-aalala po ako sa  future dahil wala namang income pag–umuwi ako. Ang panganay ko ay may asawa na at bunso kong binata ay walang trabaho.                   

Rosemarie.

 

Sayo Rosemarie,

Kitang-kita na maganda ang mismong palad mo, malambot at may matataas na mounts. Na ang ibig sabihin,  hindi ka maghihirap. At dahil hindi ka naman  maghihirap wala kang dapat na katakutan sa hinaharap.

Kitang –kita rin ang naggagandahang mga guhit sa palad mo na ang  kahulugan, ikaw ay yayaman at yayaman pa hanggang sa huling sandali ng iyong buhay.

Narito ang  ilang bagay na magandang iyongpag-isipan:

1)     Ang maling pagmamahal sa anak ay  isang  pagkunsinti sa kanilang katamaran at kawalan ng  pangarap. Maaaring madidinig na sila may pangarap din pero ang  pangarap na hindi naman tinutukan ay pangarap lang na sa salita lang.

 

2)      Hindi maganda sa tao na  hindi niya kinikilala na may Diyos na nakakaalam ng lahat. Kaya ang pagpapalagay na ang isang tao ay  maghihirap at wala ng kabuhay-buhay  kapag hindi  na niya tinulungan ay masasabing umaasta siya na siya ay  parang diyos din.

 

3)     Kaya, mas magandang  ipaubaya mo sa kanilang mga kapalaran ang kanilang buhay. Mali kapag  inisip mo na wala na silang kapalaran kapag hindi muna sila natulungan.

 

4)     Maaaring hindi mo tanggapin na  ikaw pa ang malalaking  hadlang kaya  ayaw  nilang magseryoso sa kanilang mga pangarap. Lagi  mo kasi silang tinutulungan.

 

5)     May sariling tuhod ang bawat tao , hindi niya kailangan ang tuhod ninuman para  lang siya makatayo . Kaya, hayaan mong  gamitin ng mga anak mo ang tuhod nila para sila ay matayo sa kanilang sarili.

 

6)     Hayaan mong tulungan nila ang kanilang sarili.

 

  • 7) Dahil ang salitang “tulong” ay tulong lang. Kumbaga,  hindi ang tutulong ang mamumuhunan ng malaki.  Dapat, ang tutulungan ang papasan at ikaw ay tutulong lang o aalalay.

 

8)     Nakaalalay ka man sa mga anak mo, hindi dapat na ikaw ang pumasan sa kanilang mundo.

 

9)     Gawin mo!Sundin mo! At magugulat ka dahil kapag pinasan na nila ang kanilang sariling mundo, baka nga mas mayaman pa sila kaysa sa’yo.

10) Muli, ipaubaya mo sa kanila ang kanilang kapalaran. Kung inaakala mo na walang mangyayari sa kanila, ‘yon nga ang magaganap kapag wala ka na sa buhay nila.

 

  • 11) Matutuwa sa’yo si God  dahil  binibigyan mo ng pagkakataong iguhit ng mga anak mo ang kanilang sarili buhay . Na kung saan ay  sila mismo ang gagawa ng paraan para ang kanilang kasalukuyan ay  maaayos nila at magkaroon sila ng magandang kinabukasan.

 

Good Luck and God Bless.

 

Salamat sa Palmistry 191.

More Dreams

More Horoscopes

More Palmistry

More Astrology/Pahula

More Pamahiin

More Kapangyarihan

More Chinese Horoscope

More Sikreto