Palmistry 190: Maga-abroad ka

Tunghayan sa Palmistry 190 ang request ni Jell Trixia.

 

Dear Sir Govinda Jeremaya,

          Gusto ko po pahula sa palad. Salamat po!

                             Jell Trixia

 

Sayo Jell Trixia,

       Kitang-kita sa palad mo ang mahabang travel line na ang ibig sabihin, mahaba ang mga araw o panahon na ilalagi mo sa pagaabroad.

       Kitang kita rin na ang magandang  Life Line mo na nagsasabing  ang mismong life mo ay angkop sa mahabang pagaabroad. Kumbaga,  may malakas kang  katawan at ang isip mo ay ganundin.

 

Narito ang ilang  dapat mong  maunawaan sa pagaabroad mo:

 

1)     Hindi ka  dapat na mabihag ng ganda ng bansa na iyong  pagtatrabahuhan.

Dahil ang  malaking pagkakamali ng mga nag-aboad ay ang wala silang napala  sa pag-aabroad kahit pa  maraming  years silang nag-work .

 

Ito ay  nangyayari dahil sa  sobrang naakit sila sa ganda ng bansang  kanilang  napuntahan. Kumbaga,  ang kanilang  kita ay naubos lang sa paglalakwatsa at pagsasaya. Kaya  huwag na huwag mong  kakalimutan na kaya ka nasa ibang bayan ay ang ikaw ay maghahanap-buhay para sayong  kinabukasan.

 

2)     Iwasan mo rin ang malalimang pakikipagrelasyon , dahil ito rin ang isa sa numero unong pinagsisihan ng mga matagal sa abroad na wala ring  napala sa kanilang pag-aabroad.

Dahil kapag ang tao ay napasok sa malalim na pakikipagrelasyon para na ring siya ay nahulog sa “kumunoy”.  Ang kumunoy ay ang  isang malalim na balon ng putik na ang sinumang mahulog  ay hindi na makakaahon.

Kahit naman dito sa atin at  kahit saan, ang mapasok sa malalim na pakikipagrelasyon ay nasisira ang buhay. Kumbaga, ang kanyang kinabukasan ay nawawasak din. Kumbaga, hindi lamang trabaho ang nasisira  kundi ang mismong  personalidad , pangalan at dangal. Sa huli, malabong  lumigaya siya sa kanyang lovelife. Ito ay sa dahilang,  bibihira ang  nain love ng seryoso sa taong  nasira ang buhay ng  dahil sa wala sa lugar na karanasan sa lovelife.

 

3)     Sa una ay mahirap  pero kailangang masimulan mo ang pag-iipon.  Dahil ang nag-abroad na walang naipon ay makakadama ng  lihim nakabiguan sa buhay kahit pa marami siyang  nabili o sa biglang tingin ay gumanda ang kanyang buhay.

Kung mag-iipon ka at magtatagal ka sa abroad tulad mismo ng nakaguhit sa palad mo makakaasa ka na mapapabilang  ka sa iisang nagkaroon ng very  successful life sa pag-aabroad. Kaya  ito rin ay nagsasabing hindi ka dapat na matukso na magbibili ng kung ano-ano ng dahil lang sa may pera ka.

Ang ganitong katwiran na dahil may pambili kaya bumili ay labag sa utos na “Ikaw ay mag-ipon”.  Kaya,  huwag ka ring makiuso sa mga  bumibili ng makabagong gadgets para lang sa pagyayabang at masabing mas maganda ang gamit niya kaysa sa kapwa niya.

          Ang ganitong lifestyle ay  isang susi ng  kabiguan at isa ring nakabukas na bintana ng  paghihirap sa buhay.

Huwag na huwag mong  kakalimutan ang mga nasa itaas. Itanim mo sa isip mo ng sa ganoon ay lagi mong maalala, ito ay para sayong magandang kinabukasan.

Good Luck and God Bless 

More Dreams

More Horoscopes

More Palmistry

More Astrology/Pahula

More Pamahiin

More Kapangyarihan

More Chinese Horoscope

More Sikreto

LEAVE A REPLY

Please enter your comment!
Please enter your name here