Bigyang daan natin sa ngayon ang Pahula 135.
Sa’yo Vilma ,
April 14 ,1972. Taglay mo ang kakayahang paramihin ang nasa sa’yo na. Ang katangian mong ito ay itinuturing ding isang malakas na agimat o vertud. Kumbaga, kalimutan mo muna na ang agimat at vertud ay para lang sa mga bagay –bagay tulad ng medalyon .
Ang totoo nga,Vilma , ang alam mong medalyon ay metal o bagay lang na ang mga ito ay may katumbas na power o kapangyarihan. Kaya nga kung metal lang o simpleng medalyon lang, walang bisa ang mga ito kung walang katumbas na power. Kumbaga , ang power ang mismong mahalaga hindi ang metal na medalyon.
Muli, taglay mo ang isang very powerful na espeyal na katangian na “maparami mo ang anumang nasa sa’yo,” sa simpleng salita ay “Pagpaparami.”
Dahil dito, ikaw ay hinihikayat na paramihin mo ang pera mo o kabuhayan mo. Siyempre, kung ano muna ang nasasaiyo na.
Kung pera, okey lang na maliit ang halaga, ito ay iyong paramihan at tiyak na darami ito at darami ng darami hanggang sa gusto mong paramihin. Ito ay madali mong magagawa sa pamamagitan ng pagnenegosyo .
Pwedeng –pwede rin na ipautang mo na may tubo o interes. Ganoon lang kasimple ang pormula ng iyong masagana at mayamang pamumuhay.
Ang iyong mister na ang date of birth ay July 10, 1966 ay mahina ang loob kaya hindi man gaanong kagandahang payo, dapat na ikaw ang masusunod o magdedesisyon sa inyo at hindi siya. Magkaganunman, para wala kang gaanong problema pakinggan mo rin siya kumbaga, hindi maganda na basta –basta ka na lang kikilos na hindi nila alam.
Mahina man ang loob ni mister may isang napakasuwerteng balita para sa’yo at para rin sa kanya na nagsasabing, sa totoo lang, medyo mahirap mo nga lang paniwalaan ay “ang mister mo mismo ay ang iyong lucky charm.”
Kumbaga kaya ka susuwertihin sa buhay ay dahil sa kanya. Nakakatuwa ang masayang balitang ito, dahil kahit ang mister mo ay magugulat kapag ibinalita mo sa kanya ang nasabing katotohanan,pero, siyempre, sasabihin niya, “totoong masuwerte ka sa kanya.”
Ang isa pang weakness ni Mister ay siya ay mapag-alinlangan na ang kanyang personalidad ay negatibo,.as in, siya ay isang taong negatibo. Mahirap baguhin ang ganitong katangian pero kung lagi mong sasabihin sa kanya na siya ang iyong lucky charm , magugulat ka at baka hindi ka makapaniwala na siya ay maging isang taong positibo.
Dahil siya ay magkakaroon ng tiwala sa kanyang sarili ay mailalabas na niya ang kanyang mga magagandang pananaw sa buhay na noon ay tinatalo ng kanyang mahinang personalidad.
Dahil alam mo na ang sekreto ng kapalaran ninyong mag-asawa, makakaasa kang mapapabilis pa ang iyong pagyaman, muli , sa paggamit mo ang iyong espesyal na katangian na “Pagpaparami.”
Ang “pagpaparami” ay hindi simpleng pagdadagdag lang, kundi pagmu-multiply.
Good Luck and God Bless.
