Libong taon na ang nakalilipas, ngunit magpasahanggang ngayon, marami pa rin ang naniniwala sa paggamit ng lucky charms. Ang mga lucky charms na ito ay maaaring nasa anyo ng amulet, bracelet, kuwintas, tela, o kaya ay medalyon. Sa totoo lang, lahat ng bagay na makukuha mo sa paligid ay maaaring maging charm.
Isa ito sa pinakasimpleng lucky charm na magagawa mo. Ang kailangan mo lang ay tatlong metallic keys. Gawin lamang itong pendant o palawit sa inyong wallet o pitaka, o kaya ay isabit sa sintorera ng inyong pantalon. Ang mga metallic keys ay pinaniniwalaang suwerte dahil ia-unlock nito ang pintuan ng suwerte, pag-ibig, at malusog na pangangatawan.
