Online Horoscope ni Maestro Honorio Ong Marso 15, 2019

0
253
Maestro Honorio Ong

Maestro Honorio Ong

Si Maestro Honorio Ong ay tubong Bulacan. Anak ng mag-asawang Ka Talia at Kapitan Sucing. Bunso at pinakaguwapo sa sampung magkakapatid. Nagtapos ng Bachelor of Science ,Major in Clinical Psychologysa Far Eastern University, Sampaloc, Manila. Sa University ring ito nag-aral at kumuha ng Master of Arts in Clinical Psychology.
Maestro Honorio Ong

PARA SA MAY KAARAWAN NGAYON, Marso 15, 2019,  Biyernes  –  Bibihira na sa ngayon ang tulad mong likas ng maganda at may maganda pang kalooban. Ang ikinaganda pa nito, may maganda ka ring pinagkakakitaan. Dahil sa mga kagandahang tinuran, tuloy-tuloy at lalo pang gaganda ang iyong kapalaran. Mapalad na kulay ang red. Masuwerteng numero  2, 18, 20, 27, 34, 41.

ARIES  (Marso 21 – April 19) Sa pagbubukas pa lamang ng bukang liwayway habang nalalaglag ang hamog, ngumingiti ang mga bulaklak. Sa araw na ito ganon din ang magaganap sa iyong karanasan,  sa unang oras pa lamang ng umaga, ngingiti na ang suwerte at magandang kapalaran. Mapalad na kulay ang gray. Masuwerteng numero   2, 16, 25,  33,  37, 43.

TAURUS – (April 20 – Mayo 20) Mabait ang kalikasan dahil pinatutubo niya ang magagandang mga bulaklak sa parang. Mabait ka rin, kaya babait din sa iyo ang langit. Sa araw na ito, patutubuin din sa buhay mo ang ibat-ibang uri ng suwerte at magandang kapalaran. Ang mahalaga lamang lagi mong iligin ng pagtulong sa kapwa at pamimigay ng mga biyayang iyong natanggap ang bawat araw na darating. Mapalad na kulay ang apple green. Masuwerteng numero  5, 14,  25, 34, 41, 44.

GEMINI (Mayo 21 – Hunyo 21) Sa painot-inot na patak ng ulan, natatapyas ang makapal na bato sa kabudukan. Ituloy mo lang ang kasalukuyang pagsisikap. Sa painot-inot na pag-iipon, basta’t wag kang titigil, makakamit mo rin ang maunlad at masaganang pamumuhay. Mapalad na kulay ang old rose.  Masuwerteng numero 1,  7, 17, 29, 37, 41.  

CANCER (Hunyo 22 – Hulyo 22) Dahil sa paulit-ulit na dampi ng alon at hampas ng tubig, kimikinis at lumilinis ang magaspang at mapangit na bato sa dalampasigan ng buhay. Ganon din ang gawin mo, pakinisin mo ang iyong mga kahinaan at ang iyong mga negatibong ugali. Kapag nagawa mo yan, ang suwerte at magandang kapalaran na hatid ng tag-init ay mapapasa iyo. Mapalad na kulay ang white. Masuwerteng numero 8, 14, 20, 32, 35, 41.

LEO (Hulyo 23 – Agosto 22) Nabubuhat ng langgam ang mga mumo at tira-tira na mas malaki pa sa kanya hanggang sa siya ay makabuo ng isang bundok ng pagkain gagamitin sa panahon ng tag-ulan na hindi lamang siya ang makikinabang kundi ang buong kumunidad. Tularan mo ang langgam, hindi mo dapat ipagdamot ang iyong kakayahan. Alalayan mo ang mga mahihina at tulungan ang sa iyo ay humihingi ng tulong. Kapag nagawa mo yan, mas mataas pa kaysa sa mga punso ang suwerte at magandang kapalarang ipagkakaloob sa iyo ng langit.  Mapalad ang kulay na pink. Masuwerteng numero 7, 19, 22, 29, 31, 41.

VIRGO (Agosto 23 – Setyembre 22) Matagal na ang batis sa kanyang kinalalagyan, nakapagtatakang sa bawat saglit at sandali laging bago ang agos ng tubig. Ganon din ang iyong buhay, akala mo lang ay walang nagbabago, pero tulad ng batis, laging bago ang bawat araw at bawat sandali. Humiling ka ngayon ng isang bagay na magpapabago ng iyong buhay, makikita mo, himalang ito ay biglang matutupad. Mapalad na kulay ang gold. Masuwerteng numero 6, 10, 22, 28, 31, 45.  

LIBRA (Setyemrbe 23 – Oktubre 23) Kung minsan madilim talaga ang langit dahil sa makapal na ulap. Pero matapos na hipan ng hangin ang makapal na ulap, muling liliwanag at aaliwalas ang langit. Sa araw na ito, ang mismong nasa itaas ang isa-isang mag-aalis sa iyong mga suliranin, upang palitan ng suwerte at magandang kapalaran. Mapalad ang kulay na orange. Masuwerteng numero  6, 18,  21, 29,  31, 44. 

SCORPIO (Oktubre 24 – Nobyembre 21) Malakas ka ngayon, walang kasing lakas kaya susuko ang iyong mga kaaway at ikaw ang mananaig.  At kahit malakas ka ring kumain, wag namang limitahin ang pagkain, dahil kasabay ng iyong pagtaba, tataba rin ng matabang-mataba ang laman ng iyong bulsa. Mapalad na kulay ang emerald green. Masuwerteng numero  1, 15, 21, 23, 34, 41.

SAGITTARIUS (Nobyembre 22 – Disyembre 21) Hindi ka sasaya kung ikaw ay nag-iisa. Maghanap ka ng makakasama sa paggala at paglalakwatsa. Sa piling ng mga kaibigan, magkakaroon ka ng dagdag na sigla at saya. At kapag lagi kang masigla at masaya, ang suwerte at magandang kapalaran ay bubuhos sa iyo ng bonggang-bongga. Mapalad na kulay ang violet.  Masuwerteng numero 2, 11,  26, 35, 43, 45.

CAPRICORN – (Disyembre 22 – Enero 19) Marami ang sumusuko at nawawalan ng pag-asa, pero ang sa iyo ay kakaiba. Kailan man’y hindi ka susuko at hindi ka mawawalan ng pag-asa. Magpatuloy ka lang, makakaahon ka rin sa mga problema, ilalawit na ng langit ang kanyang mga kamay upang saklolohan at tulungan ka. Mapalad ang kulay na silver. Masuwerteng numero  4, 13, 28, 31, 40, 43.    

AQUARIUS – (Enero 20 – Pebrero 18) Unti-unti ng pumapasok ang panahon ng tag-araw, at ang elemento nitong taglay ay ang init. Humiling ka ngayon sa langit at anumang hilingin mo ay tiyak na pagbibigyan. Mapalad na kulay ang tangerine. Masuwerteng numero  3, 12, 23, 27, 30, 45.   

PISCES (Pebrero 19 – Marso 20)  Hindi umaalis ang puno sa kanyang kinalalagyan, kaya naman paglipas ng ilang taon ang dating maliit na puno ay nagiging higanteng puno na. Wag ka ring aalis at wag ka ring manawa sa kasalukuyan mong ginagawa. Dyan ka dinala ng kapalaran, kaya pagbutihin mo pa, dahil sa badang huli, dyan ka rin liligaya at yayaman. Mapalad na kulay ang magenta. Masuwerteng numero 9, 13, 20, 32, 43, 45. 

LEAVE A REPLY

Please enter your comment!
Please enter your name here