Nananahi Sa Panaginip

Ang pananahi sa panaginip ay maaaring isang pangkaraniwang panaginip lamang para sa’yo. Ngunit ito ay may malalim na kahulugan na kailangan mong malaman.

Halimbawa, kung ikaw ay hindi naman marunong manahi , walang alam kahit katiting tungkol dito at napanaginipan mo na ikaw ay mahusay dito, ito ay isang senyales na may mga pagbabago kang kakaharapin sa iyong buhay. Mga karanasan na hindi pa dumaan sa buhay mo ni minsan. Ang halimbawa nito ay pagpasok sa isang bagong negosyo, pagpaplano ng isang engrandeng event na ngayon mo lang gagawin, pagkakaroon ng isang trabaho na hindi pamilyar sa’yo at maaari rin namang isang estranghero ang darating sa buhay mo na magtuturo sa’yo ng mga bagong kaalaman. May bagong buhay kang kakaharapin na ikaw mismo ang magpaplano.

Kung sa iyong panaginip naman ay natusok ka ng karayom na iyong ginagamit sa manual na pananahi, ang ibig sabihin nito ay may tao kang masasaktan nang hindi mo sinasadya. Maaari rin na isang pagkakamali ang magagawa mo na labis mong ipagdaramdam. Kung ikaw naman ay nanahi ng napakagandang damit sa panaginip, ito ay nangangahulugan na may isang magandang pangyayari ang naghihintay sa’yo sa hinaharap. Ito ay may kinalaman sa iyong kabuhayan at pwede rin namang sa personal mong relasyon. Maaari rin na makakilala ka ng isang bagong kaibigan na magiging malapit sa’yo. Siya ang tao na makakaunawa sa lahat ng iyong pagdaraanan at magagawa mong sandalan sa oras ng iyong pangangailangan.

Kung sa iyong panaginip ay nasira mo ang makina sa pananahi na iyong ginagamit, maaaring isipin mo na hindi ito magandang senyales. Pero kabaligtaran ng iyong iniisip ang tunay na kahulugan nito. Ito ay nagpapahiwatig na may mga problema ka ng mabubuwag sa iyong buhay. Ibig sabihin ay makakaisip ka na ng paraan para masolusyunan ang mga suliraning labis na nagbigay sa’yo ng stress.

LEAVE A REPLY

Please enter your comment!
Please enter your name here