ARIES (Marso 21 – April 19) – Ito ang araw na sosorpresahin ka ng langit. Ang mga bagay na hinihingi mo ay hindi mangyayari, bagkus ang mangyayari ay iyong mga bagay na hindi mo hinihingi subalit mas maraming biyaya at dobleng mga pagpapala ang mapapasaiyo. Mapalad na kulay ang blue. Masuwerteng numero 5, 18, 21, 27, 32, 45.
TAURUS (April 20 – Mayo 20) – Wag mong takutin ang iyong sarili sa mga bagay na hindi pa nangyayari. Dahil ang pag-aalinlangan at takot ay kaakibat ng kabiguan. Mula ngayon ang isipin mo lang ay ang magagandang bagay at pagkatapos kumilos ka ng kumilos. Makikita mo, kapag ganyan ang kondisyon ng iyong isipan, kusa ng mapapasaiyo ang lahat ng suwerte at magagandang kapalaran. Mapalad na kulay ang gray. Masuwerteng numero 9, 14, 23, 27, 37, 45.
GEMINI (Mayo 21 – Hunyo 21) – Ito ang araw na ipagkakaloob sa iyo ng langit ang lahat ng suwerteng matagal mo ng idinudulog at idinadalangin sa kanya. Kaya lang may kundisyon, dumalaw ka muna sa mga mahihirap at kapus-palad, abutan mo sila ng konting tulong. Mapalad ang kulay na black. Masuwerteng numero 7, 14, 23, 34, 43, 45.
CANCER (Hunyo 22 – Hulyo 22) – Hindi naman magiging malungkot ang araw mo kahit na Biyernes Santo ngayon sa halip, ito ay mapupuno ng mga pagpapala at suwerte habang patuloy kang nagninilay kasama ang iyong pamilya. Mapalad ang kulay na yellow. Masuwerteng numero 1, 10, 19, 27, 37, 43.
LEO (Hulyo 23 – Agosto 22) – Hahanapin mo ang ligaya, pero, hindi mo matatagpuan. Hahanapin mo ang pag-unlad at yaman, pero hindi sa iyo ipagkakaloob. Hanapin mo muna sa puso mo ang pagmamahal, sa pamamagitan ng pagtulong sa kapwa at nangangailangan kaya ang lahat ng gusto mo ay agad-agad ng ipagkakaloob sa ‘yo. Mapalad na kulay ang green. Masuwerteng numero 1, 14, 22, 32, 37, 42.
VIRGO (Agosto 23 – Setyembre 22) – Walang pag-iimbot na kabutihan ang dapat mong gawin sa araw na ito. Kapag nagawa mo ‘yan, pagtulong sa kapwa na hindi naghihintay ng kapalit, tutulungan ka rin ng langit at ang lahat ng mga panalangin mo ay isa-isa ng matutupad at magkakatotoo. Mapalad na kulay ang red. Masuwerteng numero 6, 15, 19, 24, 37, 45.
LIBRA (Setyembre 23 – Oktubre 23) – Maraming mamamangha sa iyong hindi matapos-tapos na suwerte. Upang lalo pa itong lumakas ang iyong kapangyarihan, magpunta ka sa Siyam o kaya’y Anim na simbahan sa Biyernes Santong ito at magtulos ng kandila. Mapalad na kulay ang maroon. Masuwerteng numero 9, 13, 27, 31, 32, 44.
SCORPIO (Oktubre 24 – Nobyembre 21) – Maling pagamit ng lakas ng loob ang binababala ng araw na ito. Hindi ka dapat manisi o mang-away, lalo na ang sinisisi at pinapagalitan mo ay ang mga taong bahagi rin ng puso mo. Mas mainam kung iiwasan mo ng maging mainitin ang ulo, upang ang suwerte at magandang kapalaran ay tuloy-tuloy na mapasaiyo. Mapalad na kulay ang tangerine. Masuwerteng numero 3, 12, 17, 27, 34, 42.
SAGITTARIUS (Nobyembre 22 – Disyembre 21) – Hahatakin ka na naman ng iyong mga paa upang maglakwatsa. Kailangang pigilin mo ito, ngayong Biyernes Santo mas mainam na sa bahay ka lang. Magnilaynilay, magbasa ng mga banal na babasahin o dili kaya’y magdasal. Sa ganyang paraan mare-recharge ang iyong suwerte at enerhiya. Sa susunod na mga araw mas maraming magagandang kapalaran ang darating sa iyong harapan. Mapalad na kulay ang lilac. Masuwerteng numero 7, 19, 25, 26, 35, 43.
CAPRICORN (Disyembre 22 – Enero 19) – Hindi maganda ang hindi nakikinig sa opinyon ng kanyang kapwa. Ito ang araw na dapat na makinig ka sa mga payo at sinasabi sa iyo ng iyong mahal na kasuyo. Kapag sumunod ka sa kanya, lalong gaganda at mapapanuto ang kapalaran mo, lalo na sa salapi at aspetong pang pinansyal. Mapalad na kulay ang purple. Masuwerteng numero 4, 8, 26, 31, 40, 42.
AQUARIUS (Enero 20 – Pebrero 18) – Bagamat nagsasawa ka na sa mga kaibigan, wala kang magagawa dahil ang araw na ito ay itinakda para pagdaragdag ng mga bagong kaibigan na magbibigay sa iyo ng mga suwerte at magagandang kapalaran sa susundo na mga araw. Mapalad na kulay ang apple green. Masuwerteng numero 1, 10, 25, 34, 41, 43.
PISCES (Pebrero 19 – Marso 20) – Mamayang gabi magbilad ka sa sinag ng buwan. Sa ganyang lihim at walang nakakaalam na ritual, hindi lamang maiibsan ang iyong mga karamdaman, bagkus bukod sa lalo pang lalakas ang iyong pangangatawan, lalakas din ang sagap ng iyong suwerte at magandang kapalaran. Mapalad ang kulay na silver. Masuwerteng numero 3, 12, 24, 33, 37, 43.
