Dream Interpretation Online Ang Sikreto ng iyong Panaginip #276

4
1081
Maestro Honorio Ong

Maestro Honorio Ong

Si Maestro Honorio Ong ay tubong Bulacan. Anak ng mag-asawang Ka Talia at Kapitan Sucing. Bunso at pinakaguwapo sa sampung magkakapatid. Nagtapos ng Bachelor of Science ,Major in Clinical Psychologysa Far Eastern University, Sampaloc, Manila. Sa University ring ito nag-aral at kumuha ng Master of Arts in Clinical Psychology.
Maestro Honorio Ong

Tunghayan naman natin ngayon ang panaginip ni Mrs. Tabudlong hinggil sa namumulot ng mga barya, naligaw ng daan at isang lugar na parang squatter.

Dear Maestro,

Simula po noong bata pa lang ako sa panaginip ko ay may pinupulot daw po akong pera na barya, tag-2.00 at 10.00 pesos, minsan po ay nasa ilalim na ng lupa pero mababaw lang po ang mga barya, marami pong coins. Tapos minsan nakakaabot ako sa dulo sa may kawayanan at marami rin po doon na mga barya at bills na tag-20 at 100 pesos. Ano kaya ang meaning nito?

May isa pa po akong panaginip, lagi ko pong napapanaginipan iyong isang masikip na lugar, parang squatter, at yong daan lagi akong naliligaw, kung saan-saan. Pero noong pang-apat ko ng panaginip, nalaman ko na rin yon tamang daan, at naabot ko na yong patag. Medyo paakyat po kasi yong daanan na ‘yon. Ano po kaya ang ibig sabihin ng mga panaginip kong ito?

KASAGUTAN:

Kapag nakapanaginip ng mga pera, ang basic rule, na dapat tandan ay higit na mapalad mapanaginipan ang perang barya or coins, kaysa sa perang buo o papel.

At dahil pareho mo itong napanaginipan, ibig sabihin, sa susunod na mga araw, basta’t “mamulot ka lang hanggang sa dulo ng kawayanan” tulad ng iyong napanaginipan, siguradong susuwertehin ka sa iyong buhay, uunlad at magiging masagana ang inyong kabuhayan.

Ang ibig sabihin kasi ng “hanggang sa dulo ng kawayanan” ay iyon nga, sa panahon ngayon kailangan mo pang magsikap at magsipag, upang sumagana ang inyong kabuhayan, kaya naman sa iyong panaginip makikitang “may bahagya ding nakatabon na lupa sa ilang mga barya na iyong pinupulot” na tulad ng nasabi na, ito ay mga pahiwatig na sinasabi ng inyong unconscious self na “ituloy mo lang ng ituloy ang iyong ginagawang mga pagsisikap ngayon, dahil sa bandang huli, uunlad ka rin, sasagana at yayaman.”

Yon namang lugar na parang “squatter” sa iyong panaginip, ang kalagayan mo sa buhay ay inilalarawan nito, na ibig sabihin “hindi ka pa gaanong maunlad o medyo mahirap lang ang kalagayan ng buhay nyo sa ngayon!”

Samantala yon namang panaginip mo na “naliligaw ka kung saan-saan at hindi mo malaman ang tamang daan”, ang ibig sabihin nito, sa kasalukuyan ay “walang pang tiyak na direksyon ang iyong buhay at hindi mo pa alam kung ano ba talaga ang gusto mong mangyari at ang gusto mo talagang gawin sa iyong buhay.”

Pero mapalad ka pa rin dahil noong bandang huli sa ika-apat mong panaginip “ay natuklasan mo rin o nalaman mo rin ang tamang daan at hindi ka na naligaw!”

Ibig sabihin anuman ang mangyari sa iyong buhay sa ngayon, sa iyong mga pagsisikap, sa iyong mga mithiin o kung anuman ang gusto mong gawin, sa bandang huli, matatagpuan mo rin ang “tama at saktong daan, hanggang marating mo ang sakto mo rin patutunguhan, at ang patutunguhan mo ito ay ang isang maunlad, maalwan at maligayang kapalaran habang buhay.”

4 COMMENTS

  1. Hi po sir nais ko po itanong sau kung anu ibig sbhan ng panaginip k una nnaginip ako tumae ung pamangkin ko,,pangalawa mi nkita ako tae pngtatlo tumae ng madmi ung ka work k..peru ako mismo ang nkkkita

  2. ako po ay nag sakit ng dengue…noon na tulog ako sa isang sofa ,…piro masama na pakiramdam ko non nong akoy paiglip na…diko sinabi sa aking tiyahin na masama pakiramdam ko non…at may mga lumabas sa balat ko na tuldok na kulay pula..at nahihilo ako kaya..umiglip ako saglit diko alam anong oras na ako na gising..nanaginip po ako na puro mga zombie ung nasa paligid ko at hinahabol ako..kahit subrang lakas ng takbo feel ko parang mahhabol nila ako…diko maintindihan malakas ang takbo ko piro feel ko mahina ung pagtakbo ko..kasi parang maabutan nila ako..sa bandang huli may nakita akong maliit na liwanag sa malayo piro subrang liit lang ng butas…iniisip ko mag kasya kaya ako sa butas naun…sabi ko sa sarili ko sana makapasok ako sa liwang nayon…at pagka gising ko parang hirap ako huminga nong akoy nagising subalit nilabanan ko …para akong nasakal na diko maintindihan…nakapasok nga ako sa liwang pagka gising ko namn.. hirap akong huminga non..

    lagi din po ako na nnaginip ng coins 5.00 maliw or lubog ung tobig marami akong nakukuhang pera karamihan po 5.00 nakukuha ko..ano po ibig sabihin non….

  3. ano po ang kahulugan ng panaginip na nireregla pa ako, lagi ko 2 napapaginipan, pero menopause na po ako matagal na, iba iba version pero andun pa rin ang regla sakin panaginip …salamat po sa tugon….

  4. Hello po sir. Ano po kahulugan ng panaginip ko na may nkita po akong isang batang babae na pumasok sa kwarto. Pagbukas po nya ng pintuan bglang may sumabog at nasira ang pinto gawa ng pagsabog.tumilapon ang bata pero prang walang ngyari sa bata.iyong pgsabog ay may ksamang apoy.nong pumasok n ang bata sa kwarto naroon ang knyang ina.niyakap ng ina ang bata.ilang saglit lng po npanaginipan ko po ang tatlong palapag na bahay na gumagalaw daw pi ito na pra bang may buhay.dhil bglang ngkaron ng kamay at nililinisan nya mismo bintana nya at nglalakad pa po ang bahay. Sa isang banda ng pnaginip ko my itlog po at ngpisa po ito.mraming salamat po.sna matugunan nyo po pnginip ko.

LEAVE A REPLY

Please enter your comment!
Please enter your name here