Saranghae, Korea! Bakit Maraming Pilipino ang Nahuhumaling sa Musikang K-Pop, K-Dramas at Kulturang Hallyu

1
1919

Kristine Joyce M Belonio

Kristine Belonio is a registered medical laboratory scientist and DOH-trained screening drug test analyst who hopes for a drug-free Philippines. And though she loves to do all the “bloody” work and analyze other bodily fluids, she’s also an aspiring journalist with a thorough know-how on the rudiments of news, feature and editorial writing.

Ang mga “telenovelas” o soap opera ay naging isang napakalaking tagumpay sa bansa nang inilunsad ng mga malalaking entertainment network ang mga banyagang TV dramas or teleserye na isinalin sa wikang Tagalog tulad ng mga sikat na Mexican telenovelas na “Marimar” at “Betty La Fea” (kasama ng marami pang iba) bilang mga programang pantelebisyon noong dekada ’90s. Noong panahong iyon, ang Mexicanang aktres na si Thalia o mas kilalang si Marimar at Venezuelan na actor na si Fernando Carrillo o Fernando Jose ng seryeng “Rosalinda,” ay umakit sa mga puso ng maraming Pilipino.

Subalit noong 2003, ang mga programang pantelebisyon ay nagkaroon ng malaking pagbabago nang pinagtuunan ng pansin ng nga networks ang mga palabas at seryeng ginawa ng mga bansang mas nalalapit sa Pilipinas tulad ng Taiwan at South Korea. Kaya, naipakilala sa mga Pinoy ang “Asianovelas” o Asian soap opera na nagsimula sa hit Taiwanese drama series na, “Meteor Garden,” na naisahimpapawid noong Mayo 2003. Sa parehong taon, ang Hallyu o Korean Wave ay sumikat din sa bansa. Simula noon, patuloy ang Asianovela craze at naging mas popular ang mga ito ng ipakilala ang mga Korean dramas sa Philippine TV.

Kung isinalin man ang mga palabas na ito sa Tagalog o pinanood ng may subtitle na Ingles, ang mga Pilipino ay labis na naaliw sa mga bidang Chinese at Korean na hindi lamang may mga chinitong mata, cute dimples at mala-porselanang na balat kundi dahil nagtataglay din sila ng magagandang hitsura at hindi maikakailang charisma. Sa kabila ng pagkakaroon ng Pilipinas ng sarili nitong mga “teleserye” o TV series, drama at anthologies, ang mga Pilipino ay hindi pa rin mapigilan na mabighani sa K-Drama at musikang K-Pop. Sa katunayan, ang ebolusyon ng K-Pop at K-Drama sa Pilipinas ay umabot na ngayon online kung saan maraming mga tagahangang Pilipino ay  nakatuon sa mga partikular na artistang Korean o drama na nagsimula nang lumalaki.

Kung ang mga Amerikano ay mahilig sa TV series tulad ng popular na “Grey’s Anatomy” at “Game of Thrones,” ang mga Pilipino naman ay gustong-gusto manuod ng mga tinatawag natin na soap opera o TV Drama o “telenovelas” na pinapalabas tuwing hapon o gabi sa TV. At kabilang sa tagalong sinusubaybayan na mga programa ng mga Pilipino ay ang mga Korean drama series na isinalin sa wikang Tagalog.

Maaaring ito ay makasaysayang drama o mga nakabatay sa manga o komiks, flower boy o supernatural drama, o dramas ng mga kuwentong pag-ibig, maraming Pilipino ang naghihintay sa araw at oras kung kailan ito ipapalabas. Ngunit bakit ba gustong-gusto ng mga Pilipino ang mga K-Drama at musikang K-Pop? Ano nga ba ang meron sa kanila at bakit tayo nahuhumaling dito?

K-Drama Craze

Batay sa isang artikulo mula sa M2.0 , ang unang dahilan kung bakit popular ang mga Korean dramas sa maraming Pilipino ay dahil sa kanilang mga paksa o tema. Ang karamihan sa mga drama ng Korea ay naglalaman ng mga family-friendly na tema na tugma sa ating kultura at nakasanayan natin. Pag-ibig, pagkakaibigan, relasyon ng pamilya at kasaysayan ay iilan lamang sa mga tema na ipinakita ng maraming Korean dramas at ang mga ito ay parehong mga katangian at kaugalian o tradisyon na pinahahalagahan din natin.

Kabilang din sa mga ibang dahilan ay ang balangkas ng kuwento ng mga ito na kalimitan ay hindi madaling hulaan at ang mga balangkas ng drama ay inilalarawan sa mabilisang paglalahad. Ang mga inaasahang balangkas ay minsan lng o hindi na inuulit.

Ang disenyo ng produksyon, paglalarawan (na nangangahulugan ng paghahanap ng tamang aktor o artista para sa mga palabas) at ang Hallyu phenomenon (na literal na nangangahulugang “Daloy ng Korea” at tumutukoy sa pagtataas ng popularidad ng kultura ng South Korea sa buong mundo) ay kabilang rin sa iba pang mga dahilan kung bakit tayo ay nabibighani sa K-Drama.

Bukod sa bagong mga istorya at nakamamanghang sinematograpia, nakuha din ng K-Drama ang pansin ng mga Pilipino sa lahat ng edad. Habang karaniwan sa mga Pilipinong teleserye ay pang-masa, ang mga K-Dramas ay kinawiwilihan din ng mga kabataan, nasa katanghaliang-gulang at kahit ng mga matatandang tagapanuod.

Ang “kilig” factor (romantikong pananabik) ay naging isang makabuluhang elemento rin sa maraming K-Drama series, kabilang din dito ang pagkakaroon nito ng magaganda at guwapong cast tulad ng mga popular na K-Drama actor na sina Lee Min Ho, Song Hye-Kyo, Kim Soo-hyun, Song Joong-ki, Gong Yoo, Park Shin-hye, Kim Woo-bin, Ha Ji-won, Jun Ji-hyun,  Jo In-sung at marami pang iba.

Ayon sa The Freeman, karamihan sa mga magulang ay kumportable din sa K-Drama dahil ito ay kadalasang “naaangkop na panoorin ng kanilang mga anak.” Karamihan ng mga K-Drama ay Rated-G (General Patronage o para sa pangkalahatang manunuod) na may mas mababang konsentrasyon sa karahasan at/o sa mga wikang pagmumura tulad ng maraming mga palabas mula sa Kanluran.

K-Pop Music

Tulad ng mga Korean dramas, ang mga Pilipino ay nahumaling din sa musikang K-Pop o Korean Pop Music. Mula sa unang henerasyon na mga idol group tulad nina Seo Taiji & The Boys, Sechs Kies, Turbo, S.E.S., Shinhwa, Fin.KL noong dekada ‘90 hanggang kina Epik High, TVXQ, Super Junior, BigBang, Brown Eyed Grils, Wonder Girls, Girls Generation noong 2000s at Infinite, Sistar, ZE: A, EXO, AOA, BTS noong 2010 hanggang sa kasalukuyan at mas maraming mga bagong idol group na ilulunsad, ang mga Pilipino ay hindi mapiligan na magkagusto sa kanila at palaging inaasam ang kanilang mga pulong kasama ng kanilang mga tagahanga at konsyerto.

Ang iilan sa mga grupong ito ay nasa kanilang ika-10 taon o higit pa mula nung sila ay ilunsad sa Korean entertainment industry. Ang mga tao na nagmamahal at sumusuporta sa kanila ay lumikha ng mga grupo ng tagahanga para sa kanilang mga idolo at hindi lamang ito nakabase sa South Korea kundi sa buong mundo. Ang mga tagahanga ay mayroon ding tinatawag nila sa K-Pop world bilang “bias” o paborito sa kanila. Ngunit kung ang mga Korean dramas ay sinasalin sa wikang Tagalog, ang mga K-Pop na kanta ay nasa Hangul o Korean Alphabet. Kaya, bakit maraming mga Pilipino ang nagmamahal sa kanila kahit na hindi wala silang naiintindihan na salita sa lyrics?

Sa isang artikulo mula sa The Freeman (sa pamamagitan Philstar ), ipinaliwanag ng manunulat na si Sonny Boy Temblor kung bakit ang mga Pilipino ay nabighani sa musikang K-Pop. Sinabi ni Temblor na ang K-Pop ay bumuo ng isang natatanging at pansariling karakter kahit na naglalaman ito ng mga impluwensyang musikang Pop mula sa Kanluran. Ang K-Pop ay kadalasang may “nakakahalinang musika, at dinamikong koreograpia,” at ang paulit-ulit na element nito ay medaling sundan at matandaan ng mga Pilipino.

Bukod sa “upbeat tune” nito na talaga namang nakakapagpagalaw sa atin, ito rin ay may magandang tunog. Ang koreograpia ng K-Pop ay kadalasang nakapagpamangha sa atin dahil sa pagsasabay nila ng pagsasayaw at pagkanta. Ang mga ito ay kilala rin na gumanap nang live, kung saan pinatutunayan nila ang kanilang kakayahan bilang propesyonal na mga artista. Kaya kapag nagdaraos ang mga K-Pop artists ng konsyerto sa Pilipinas, ang mga tagahanga nila ay nagsisitayuan lamang.

Pagdating sa K-Pop, ang entertainment na dinadala nila ay kadalasang nag-iiwan ng epekto hindi lamang sa Pilipinas kundi pati na rin sa buong mundo tulad ng Billboard, ITunes at ngayon, Spotify. Tulad ng Spotify app ng aking kapatid na babae sa kanyang telepono, ito ay puno ng mga K-Pop na kanta at kinakanta niya rin mismo ang ilan sa mga ito. Kahit na ang aking dalawang pamangkin na nasa edad 3 at 5 at kung saan ipinanganak at lumaki sa Canada ay gusto rin ng mga K-Pop na kanta (sorry guys, sila ay diehard na tagahanga ng grupong Bigbang!). At kahit hindi o hirap silang magsalita ng wikang Tagalog, magaling silang kumanta ng Korean.

Korean Fashion at K-Pop Personality

Ang Hallyu Craze ay tiyak na popular sa bansa dahil marami kang makikita na mga lokal na tinedyer na nakabihis sa istilo na kahawig ng kanilang mga idolong K-Pop idolo kapag pumunta ka sa isang mall. At tulad ng kanilang musika, ang mga iniidolong K-Pop artists ay nasa iba’t ibang antas pagdating sa fashion.

Ang kanilang mga damit ay marangya, “quirky” at sunod sa moda, ayon sa isang artikulo mula sa Candy Magazine. Isa sa mga halimbawa ng sikat na trendsetters na K-Pop ay si G-Dragon ng grupong Bigbang. Siya ay kilala sa paggawa ng trend kapag nagsusuot ito ng anumang damit.

Pagdating sa kanilang pagkatao, ang mga K-Pop artists ay mapagpakumbaba. Sila rin ay kaakit-akit at para sa kanila, ang kanilang mga tagahanga ay napakahalaga. Gayunpaman, ang mga idolong K-Pop ay hindi lamang mahusay sa pag-awit at sayawan. Ang ilan sa kanila ay nagsusumikap din sa larangan ng pagarte sa mga drama at pelikula. Marahil, ito ay isa pang dahilan kung bakit gustong-gusto sila ng mga Pilipino.

Gustong-Gusto ng mga Pilipino ang Kulturang Hallyu

Ang mga Korean dramas at K-Pop na mga kanta ay kadalasang naglalahad ng mga emosyon o damdamin tulad ng pag-ibig, pag-asa, pagpapasakit at kalungkutan. At dahil ang mga Pilipino ay kilalang hinihimok ng kanilang mga puso at emosyon, madali nating tinanggap ang genre na ito dahil naaantig tayo nito.

Maraming mga tagahangang Pilipino rin ang nagaabang sa “kilig” factor na dala ng mga K-Drama at musikang K-Pop. Sa kabutihang-palad at sa tulong ng internet, madali na sa mga tagahangang Pilipino ang hanapin ang ibig-sabihin ng mga lyrics ng mga kanta at i-stream ang mga ito online.

Tayo ay tumatawa, sumisigaw, at nakakaramdam ng sakit na hinahandog ng mga drama at pelikula mula sa Korea. Tinatanggap ng mga Pilipino ang lahat ng emosyon habang pinapanood nila ang bawat episode at laging inaasahan ang isang masayang pagtatapos. Dahil madalas nating maramdaman na konektado tayo sa bawat eksena, kinaiinisan din natin ang mga kontrabidang artista at kung minsan, nangangarap tayo ng gising o pinagpapalagay ang mga susunod na mangyayari.

Gustung-gusto ng mga Pilipino ang musikang K-Pop na dina-download pa nila ang mga kanta sa kanilang mga iPod, iPhone at computer para mapakinggan kahit anumang oras. Ang ilan ay nanonood rin ng mga video ng musika online.

Kahit na may iba’t ibang wika at kultura, ang mga tagahanga ng K-Pop sa iba’t ibang panig ng mundo at ng iba’t ibang edad ay hindi mapigilan ang paghanga at pagmamahal sa kulturang Hallyu. Ang mga Pilipino ay laging bukas para malaman ang ibang kultura kaya naman hindi na nakakagulat kung bakit ang ilan sa atin ay ninanais na pumunta sa South Korea. Ang aking kapatid sa Canada ay isa din sa kanila at hindi niya ito itinatanggi. (Haha!) Kahit na kami ay may dugong Filipino-Chinese, napamahal na ang South Korea sa aking kapatid — magmula sa musikang K-Pop hanggang sa kanilang iba’t ibang palabas at drama hanggang sa mga pagkaing Koreano. Hindi man siya magaling magluto ng mga pagkaing Pilipino, siya nama’y mahusay sa paggawa ng pagkaing Koreano tulad ng Kimchi Fried Rice, Gimbap at Hotteok na gustong-gusto ding kainin ng kanyang mga anak.

Samantala, walang sapat na gulang para sa K-Pop at K-Drama at ang pag-ibig ng mga Pilipino para sa kultura ng Hallyu ay tiyak na hindi magtatapos. Anuman ang nangyari, ang mga Pilipino ay palaging magiging isa sa mga tunay na tagahanga ng K-Pop/Hallyu sa mundo. Gayunpaman, bilang mga Pilipino, huwag din nating kalimutan ang tangkilikin ang ating sariling musika (OPM – Original Pilipino Music), mga lokal na pelikula at teleserye na lubos na pinaghirapan ng mga talentadong artista sa Pilipinas.

Written by Kristine Belonio

Kristine Belonio is a registered medical laboratory scientist and DOH-trained screening drug test analyst who hopes for a drug-free Philippines. And though she loves to do all the “bloody” work and analyze other bodily fluids, she’s also an aspiring journalist with a thorough know-how on the rudiments of news, feature and editorial writing.

SOURCES:

Http://en.wikipilipinas.org/index.php/K-Pop_in_the_Philippines

Https://www.revolvy.com/main/index.php?s=Philippine%20drama&item_type=topic

Http://www.m2comms.com/

Http://www.philstar.com/cebu-lifestyle/2016/04/20/1574787/hallyu-wave-rise-korean-culture-philippines

http://www.candymag.com/candy-feels/from-our-readers-5-reasons-why-we-love-k-pop-src-ugc

1 COMMENT

LEAVE A REPLY

Please enter your comment!
Please enter your name here